1.24.2008
1.05.2008
Året etter Are
Jeg tillater meg å sitere Are Kalvøs utmerkede bok "Kunsten å vere neger". En fremmedkulturell guide til det norske samfunnet. Her finnes en oversikt over hva vi kan vente oss av det nye året. Til tross for at boka er trykket i 1996 synes jeg at det fortsatt er mye å hente.
Her er altså hvordan resten av året kommer til å forløpe seg:
1. januar: Norske familiar feirar det nye året med å sovne under nyttårshopprennet.
15. februar - 1. mars: Det blir arrangert ein del internasjonale meisterskap i idrettar som er svært populære blant folk med god tid i Norden, Nederland og Austerrike. Norge gjer det sterkt og du får sjå mange reportasjar der foreldre av norske idrettsutøvarar ser på TV.
20. mars: Den norske finalen i Melodi Grand Prix går av stabelen.
Melodi A: Elisabeth Andreassen syng Tor Endresens kjærleiksballade "Du er mitt lys!".
Melodi B: Tor Endresen syng Elisabeth Andreassens kjærleiksballade "Lyset mitt".
Melodi C: Tor Endresen og Elisabeth Andreassen framfører Rolf Løvlands poetiske vise "Lys".
Melodi D: Jahn Teigen syng sin eigen "Light! Licht! Lys!".
Melodi E: Jahn Teigen og Elisabeth Andreassen syng Rolf Løvland og Tor Endresens mollstemte "Mørkere nå".
21. mars: Avisa VG skriv over på førstesida "FEIL LÅT VANT" etter at ein storm på ca. 30 lesarar har ringt til avisa og sagt at dei ikkje likte vinnarmelodien i gårsdagens Grand Prix-finale.
22. mars: VG avslører at dei fire første linjene av vinnarmelodien nesten blei spelt på ein nærradio i Seljord for to år sidan og derfor etter reglane skal diskvalifiserast.
1. mai: Ein del menneske i abeiderrørsla held talar for kvarandre.
20. mai: Internasjonal finale i Melodi Grand Prix. Den norske delegasjonen sjarmerer alle og orda "programmet alle elsker å hate" blir påfallande mykje brukt i norsk presse.
Om sommaren: skjer det ingenting. Derfor kan du i juni, juli og store delar av august lese avisoverskrifter som: "Påkjørt av katt", "Åse Klavlands hemmelige feriehule: Her kan jeg gå i shorts hele dagen", "Endelig sol i sør", "Åpnehjertig Thorbjørn Jagland i frodig ferieintervju: Ja, jeg elsker villbringebær!".
21. september: Det blir avslørt meir snusk i dei politiske ungdomsorganisasjonane.
10. oktober: Alf R. Jacobsen og Finn Sjue lanserer boka "Et mørke som varer lenge", der dei to gravande journalistane avslører at dei hemmelege tenestene i store delar av etterkrigstida har utfør hemmelege tenester. Dette er kanskje ikkje så oppsiktsvekkande i seg sjølv, men aldri før har har dei hemmelege tenestene blitt avslørt i ei så tjukk bok med så mandig språk og så mange sigarar på pressekonferansem. Sjue og Jacobsen utmerkar seg dessuten med å nemne CIA 14 ganger berre i det første kapitlet. Dei nye opplysningane i boka er basert svært gamle rykte og lange samtalar med Ronald Bye.
30. oktober: Ronald Bye kjem med boka "I mørke rom bak låste dører" der han avslører at Alf R. Jacobsen og Finn Sjue belie aktivt motarbeidd - sannsynligvis av grupper med støtte av CIA - i arbeidet med boka "Et mørke som varer lenge". Bye baserer seg hovudsakleg på intrevju med dei to anarkjente norske journalistane Alf R. Jacobsen og Finn Sjue.
1. november: Alf R. Jacobsen gir i sammarbeid med Ronald Bye ut boka "Gjennom mørke og låste dører - en biografi", historia om den modige journalisten Finn Sjue og hans kamp mot mektige CIA-støtta krefter i det norske samfunnet og resten av den vestlege verda.
2. november: TV2 viser Gerhard Helskogs film "Det er mørkt i de lukkede rom uten lys", ein sterk dokumentarfilm som - i tillegg til låste dører, spindelvev, nakne lyspærer og menn som går gjennom store rom i sakte film - inneheld opplysningar som tyder på at Norge heilt sidan den andre verdskrigen eigentleg har vore styrt av ei CIA-støtta topphemmeleg gruppe med eit engelsk namn med ein hel del x-ar i. Kjelda er forfattar og tidlegare partisekretær Ronald Bye som lar seg intervjue i ein mør kjellar medan Alf R. Jacobsen og Finn Sjue sitt i bakgrunnen og røykar sigarar og skriv på nye bøker om Gerhard Helskog, Ronald Bye og overvakningspolitiet.
3. november: Norske politikarar lover at no skal alle opplysningar om dei hemmelege tenastene opp på bordet.
10. desember: Nobels fredspris blir delt ut. Nordmenn går i fakkeltog og jublar for fredsprisvinnaren, sjølv om det ofte er ein framandkulturell og sjølv om han bur i ein av dei dyraste suitane på Grand.
12. desember: Hennes & Mauritz henger opp plakatar med tynnkledde modellar.
13. desember: Nokon riv ned Hennes & Mauritz-plakatane med dei tynnkledde modellane.
15. desember: Halvparten av alle landets flygeleiarar blir plutseleg sjuke samtidig.
1.04.2008
I serien skotske pensjonister gjenskaper historiske foto:
Original: Eddie Adams bilde fra Vietnam 1968.
Abonner på:
Innlegg (Atom)